Kan Kong
Texas Chin Baptist Church (TCBC) in kan in don. Na kan len caah kan i lawm. TCBC cu Tipil khrihfabu a si bantuk in Pa le Fapa le Thiangthlarau cu Pathian pakhat a si tiah a zummi kan si. Khrihfabu a dirka in atu tiang lam a kan hruaitu Pathian min kan thangthat. Kan khrihfabuu hi chungtel 750 leng kan si. Zumtu thar zong zarhfatin ti awk in kan sinah an rak lut.
TCBC cu February 2010 in zumtu 180 rak dirh a si. Kan khrihfabu i tlangtaar cu Salm 118:8 kha a si. Pathian kan i bochan i kan khrihfabu zong Pathian bochan bu in kan rak thok. Kan khrihfabu cu Pathian rianttuannak ah kan zumhnak le pommi aa khatmi poah he rianttuan tti kan i tim. Atu lio TCBC nih pehtlaihnak a ngeihmi bu hna cu Chin Baptist Churches USA, Baptist General Conference of Texas, Chin Association for Christian Communication, le bu dangdang pawl an si.
TCBC nih ahlei in kan i tleihmi cu Pathian ah pumkhat kan si bantuk in chungtel a simi lawmhnak an ton, ngeihchiatnak an ton, le harnnak an ton tikah kan sining kan i hrawmtti lai ti hi a si. Chungtel chungin ngeihchiatnak a tongmi an um paoh ah Khrihfabu nih zaanhnih chung kan tthut pi hna. Cun, kan pastor pathum nih chungtel a simi inn poah ah kumkhat voihinh thlacamnak an ngei kho. Dallas na rak tlawn ahcun, kan sinah pumh ding in kan in sawm.