Pu Myint Aung le a chungkhar kan ngeihchiatpi hna

Kan Khrihfabu ah thawngpang chia ka thei than. TCBC kan Church associate Pu Myint Aung (Cungpi pa) i a far Pi Fam Vang (kum48) nih mual a kan liamtak tiah thawng kan theih. A thih hi Kawlram caan zanlei 6:00 Pm hrawngah si asi i kanmah US cun tuzing 07/21/2012 @ 5:00 AM hrawng ah thawngpang an theih hi asi. A zawtnak hi a lung, thin le kal tibantuk zong khi ai phua dih cang i Hakha sizung ah ai thlop len ko nain damh khawh ti lo in atubantuk in a kan liamtak hi asi. A taantaakmi a pasal le a fale pathum hna caah siseh hmun kip ka kip i a ummi chungkhar sahlawh rualchan an zate caah thlamnak in bawm cio hna u sih. A fale pathum chungah a laipa lebang cu atu hi Denmark ah a phan ve i a nu ruak zong hmu kho lo in a um tikah a tuar hringhran lai. An ngeihchiatnak kan hrawmpi hna. Thla camnak zongin bawm cio hna u sih.

 

TCBC Khrihfabu nih kan tuahtawn bantuk tein tuzan zong ngeihchiat hrawmpi nak topinak a um lai caah chuah khawh rak i zuam cio hna u sih. Thok caan belte a tlai deuh lai. A ruangcu Dallas ummi Khrihfabu pawl combine service he ai ton celngel caah nazi 10:00 PM hrawngah thok khawh asi te lai. An umnak address cu a tanglei bantuk hin asi lai:

1531 S.State Hwy 121#2511

Lewisville, TX 75067