Thawngpang
Nubu fundraising Tyler ah
TCBC nubu cu 11/03/12 at Tyler khua ah caw thah an i thawh lai. Kum khat voi khat tuahmi Nubu fundraising caah a si. Nubu lawng siloin bawmtu zong tampi an kal lai tiah thawng kan theih. Nubu riantuannak ah bawmh khawh ding na si ahcun nu upa rak chawnte hna. Cun, cawsa an kan phawtte lai caah, tangka timhciate in rak i chiahte u. An i timhtuahnak cungah tlam a tlin khawhnak hnga thlacamnak in bawm hna u sih.
Zarhtin Mino hlacawn
Tuzarh mino hlacawnnak cu Garland khua, Pengthangpa te inn ah a si lai. Biakinn ah hla cawn a si lailo. Tuante in phanh khawh i zuam hna u sih. Facebook ah mino upa nih thawng an thanh ning ahcun, sabuti le beyakyaw dangh ding dawh a si.
Hmaizarh lei ah biakinn ah hlacawn a si thante lai. Zarhfatin mino nih kan biakinn ah hla cawnnak an ngei. TCBC biakinn ah suimilam 7:00PM in an thok in 10:00PM ahcun an dih tawn. Chungtel mino, upa, patung, le nutung zong sawm dih nan si. Mi tampi nan chuah ahcun kan hla sak zong a ttha deuh. Mino hlacawnnak ah kal umnak tlam a tlin lo ahcun, sang mino upa sinah phone chawnh khawh a si.
Khirhfabu chungah a cangmi thawngpang theihherh tiah na ruahmi a um a si ahcun, siangbawi@gmail.com ah kuat khawh a si.